Sveinegilde 2024
Fredag 26. januar fekk nye fagarbeidarar i Nordhordland utdelt fag- og sveinebreva sine under årets Sveinegilde på Alver Hotell.
I 2023 var det heile 84 lærlingar som bestod fag-/sveineprøva, og som dermed kunne smykka seg med tittelen fagarbeidarar. Fredag kveld var 39 av dei samla på Alver Hotell, der dei fekk overrekt beviset på at dei har bestått utdanninga, og er klare for arbeidslivet.
Sjølve overrekkinga var det Fylkesordførar Jon Askeland som stod for, assistert av dagleg leiar Lillian Vabø Mongstad. Jon Askeland var også kveldens festtalar. I tillegg var der flotte kulturelle innslag av Clara Brandt frå Masfjorden Kulturskule.
Etter utdelinga var det tid for festmiddag og talar. Ordføraren i Alver Kommune Sara Sekkingstad, ordføraren i Masfjorden Kommune Erlend Kvamsdal og ordføraren i Austrheim Kommune Morten Sognnes nytta høve til å seie nokre ord til dei nyutdanna fagarbeidarane.
Tusen takk til:
Alle fagarbeidarar og representantar frå bedriftene for frammøte.
Fylkesordførar Jon Askeland for fin tale til dei nye fagarbeidarane.
Masfjorden Kulturskule for samarbeidet og Clara Brandt for fin song.
Ordførarane Sara Sekkingstad, Erland Kvamsdal og Morten Sognnes for fine ord.
Alver Hotell for god mat og servering.